Prosalong i Oslo: Etikk i sakprosaen
Treng norske sakprosaforfattarar og forlag etiske retningsliner, på lik line med journalistar og aviser? Me tek debatten med tre sentrale aktørar.
Forfattar og journalist Simen Sætre skriv i Prosa nr. 6/18 «om forlagas etiske føleri» at journalistikken er modigare enn sakprosaen fordi journalistikken har eit nedfelt etisk regelverk å halde seg til (Vær Varsam-plakaten). Bøkene er meir konvensjonelle, mindre eksperimentelle og kan gjere stor skade på tredjepersonar – vanlege menneske som risikerer å bli utleverte – utan at dei har rett på «samtidig imøtegåing», hevdar Sætre.
Møt sakprosaforfattarar og forleggjarar til samtale om uskrivne reglar i sakprosaforleggjeriet og vanskelege etiske val i skrivinga. Kan formulerte retningsliner vere eit gode?
Med Simen Sætre, Tuva Ørbeck Sørheim og Bjørn Olav Jahr.
Ordstyrar: Åshild Eidem.
Dørene opnar kl. 18:30.
Snille innkjøpsprisar i baren – og gratis inngang!
Meld gjerne di interesse for arrangementet på Facebook
Simen Sætre er sakprosaforfattar og journalist i Morgenbladet. Siste bok: Fjordman. Portrett av en antiislamist (Cappelen Damm 2013).
Tuva Ø. Sørheim er sjefredaktør i Kagge Forlag og står bak sakprosasatsinga til forlaget.
Bjørn Olav Jahr er sakprosaforfattar og sakprosaredaktør i Gyldendal. Siste bok: Drapene i Baneheia. To historier, en sannhet (Pitch forlag 2017). Han har markert seg som ein viktig true crime-forfattar, også i TV-seriesjangeren.
Åshild Eidem er sakprosaforfattar. Siste bok: Arven etter far. Fillerya som ble en stor skole, sammen med Laila Bokhari (Gyldendal 2017).
Spørsmål? Kontakt formidlingsansvarleg i NFFO, Kristine Isaksen, på kristine.isaksen@nffo / 952 01 968.